Footer

Agimon a negosiante bimmagsol

 

VIGAN CITY, Ilocos Sur – Sineknan iti imon ti maysa a negosiante idi makitana ti gayyemna a babai nga adda kaduana a lalaki iti uneg ti kuarto ket binagbagsolnan ti pagimonanna.

Iti report a dimmanon iti polis ditoy, mapapati a nagimon ni Adelino Benny Favo y Villanueva, 69, balo, negosiante ken residente iti Barangay Tamag ditoy siudad, idi masukalanna ni Gerald Daluddong y Arellano, 19, baro, ken residente iti Barangay VI a kaiddana ti di nainaganan a gayyemna a babai iti uneg ti kuarto.

Gapu iti nasukalanna, mapapati a kellaat nga inasut ni Favo ti imukona sana binagbagsol ti biktima a nakasugatan ti likud ken makannawan a kikit daytoy.

Naitaray ti biktima iti St. James Hospital para iti pannakaagasna idinto a naipan iti Gabriela Silang General Hospital ti suspek para iti medico-legal examination.

Saan a nailanad iti blotter no apay a binisita ni Favo ni Daluddong.#

Comments are closed.
%d bloggers like this: