Footer

Babai, mapukpukaw

BANTAY, Ilocos Sur – Inreport ti maysa nga ina iti polis a mapukpukaw ti anakna manipud pay idi Abril 14.

Segun ken ni Emilia Piano y Laureta, 59, naasawaan ken residente iti Barangay San Isidro, ditoy nga ili, nagpermiso ti anakna a ni Melicent Piano y Laureta, 22, a mapan gumatang iti kape iti kaarrubada a sari-sari store ngem saanen a nagsubli pay.

Idi saan latta a naggawid ti anakna agingga iti Abril 22, nagdesision ni Piano nga ireportna iti polis a mapukpukaw ti anakna.

Nangipatuloden ti polis ditoy iti flash alarm kadagiti kaparangetna a police stations mainaig iti mapukpukaw.

Naammuan a nagsubang dagiti agina idi rabii ti Abril 14 ket mapapati a nagtalaw daytoy.#

Comments are closed.
%d bloggers like this: