Footer

Lalaki, naiwalang iti katabakuan

SALCEDO, Ilocos Sur – Maysa a bangkay ti naduktalan a naiwalang iti katabakuan iti naturod a paset ti Barangay San Gaspar ditoy nga ili idi bigat ti Abril 11.

Nabigbig ti bangkay a maysa a Reynaldo Valera y Prescoso, baro, natibo ti Abra ken agdama nga agnaed iti Poblacion Norte, ditoy met laeng nga ili.

Nagsagrap ti biktima iti sugat iti mugingna, nangruna iti makannigid a kurimatmatna ken garumiad iti nadumaduma a paset ti bagina.

Naipan ti bangkay iti maysa a puneraria iti Candon City para iti pannakaautopsiana tapno maammuan no ania ti pudpudno nga impatayna.

Naduktalan ni Tabrimon Cordova, 75, naasawaan, mannalon, ken residente iti San Gaspar ti bangkay ni Valera iti katabakuan a kukua ti maysa nga agnagan iti Erning Budayao ket inreportna ken ni Barangay Captain Benigno Pascua iti Barangay Kalawikiw a nangireport met iti polis ditoy nga ili.#

Comments are closed.
%d bloggers like this: