Footer

Paltog, balbala, nakumpiska iti panagsukisok

SANTIAGO, Ilocos Sur – Paltog ken balbala ti nakumpiska dagiti polis iti insayangkatda a panagsukisok iti maysa a pagtaengan iti Barangay Ambucao ditoy nga ili idi bigat ti Abril 16.

Nakakumpiska dagiti nagtitipon nga elemento ti RID PRO1, PIB Ilocos Sur PPO, ISPPSC ken Santiago MPS nga indauluan ni PCI Sosimo Raquepo Racho iti balay ni Nardito Abana y Abella, 62, naasawaan, boat maker ken residente iti Barangay Ambucao ditoy nga ili, iti maysa a cal 38 revolver (paltik) ken pito a bala para iti nasao a paltog.

Sinaksian dagiti barangay officials ti nasao a panagsukisok a pinirmaan ni Judge Sixto Diompoc ti RTC Branch 72, Narvacan, Ilocos Sur.

Naipan ti suspek iti police station para iti maikanatad a disposision.#

Comments are closed.
%d bloggers like this: