Footer

Para tadi a manok, natakaw

VIGAN CITY – Sangapulo ket lima a manok ti naireport a natakaw iti maysa a pagtaraknan dagiti  fighting cocks iti Barangay San Julian ditoy idi rabii ti Abril 15.

Nagreport ni Eustaquio Fuerte y Presto, 76, balo, kaduana dagiti agbambantay a da Allen Sanchez y Fontejon, 28, baro, ken ni Richard Atendido y Gelido, 25, baro, agpada a residente iti nadakamat a barangay a natakaw ti 15 a manok a para tadi a matartaraken iti farm ni Fuerte.

Segun kada Sanchez ken Atendido, naduktalanda laengen ti pannakatakaw dagiti manok idi mapanda agpakan iti agsapa ti Abril 16.

Mapattapatta nga agbalor iti P50,000.00 dagiti natakaw a manok. Saan a nabigbig dagiti nagtakaw.

Mapapati a simrek dagiti mannanakaw iti farm babaen ti panangputedda iti barbed wire nga alad iti laud a paset sada rimmuar iti daya a paset babaen ti panangkalay-atda iti alad.#

Comments are closed.
%d bloggers like this: