“Araw ng Propesyonal”, naisayangkat

ZAMBALES – Nangisayangkat ti opisina ti gobernador ditoy iti dua-aldaw nga “Araw ng Propesyonal” babaen ti koordinasion ti Professional Regulation Commission Baguio Regional Office.

Naisayangkat ti mobile processing iti conference room ti provincial capitol building ditoy idi Agosto 19 ken 20.

Karaman kadagiti serbisio a naited ti pannakaproseso ti aplikasion para ti licensure examinations (Nurses, Criminologists, CPA, etc.); pannakaproseso ti pannakapabaro ti ID/license; pannakaiyisio ti Certification of Good Standing; ken pannaka-release ti unclaimed ID/License ken Board Certifications.#