1-M a kayo, imula ti NTA ita a tawen

NARVACAN, Ilocos Sur – Maysa a milion a kayo ti inmula ti National Tobacco Administration iti daytoy a tawen kas paset ti programa ti ahensia a pannakapaberde ti aglawlaw ken suportana iti kampania maikontra iti climate change.

Maipalagip a rinugian ti NTA ti programa babaen ti synchronized tree planting a narugian idiay Narvacan National Central High School idi Hulio 31.

ndauluan ni Edgardo Zaragoza, administrator ti NTA, ti panagmula iti kayo a a naiwayat kadagiti nadumaduma a probinsia iti Rehion 1 ken 2 agraman ti Cordillera Administrative Region ken dadduma pay a tobacco-producing provinces iti Pilipinas.

Kinuna ni Zaragoza a ti panagmula iti kayo ket suporta dagiti mannalon iti programa iti panangaywan iti aglawlaw nangruna ta isuda ti maysa a mapabpabasol iti lokalidad mainaig iti panagpukanan ti kayo a maisungrod kadagiti pugon ti tabako.

Iti Candon City laengen, aganay500 nga ektaria ti mamulaan iti 300,000 a ipil-ipil, mahogany ken dadduma pay a kayo itoy a tawen. (Danny Antalan)