Footer

10 agbasbasa, makisalip iti National Milo Olympics

CANDON CITY – Sangapulo nga agbasbasa iti public schools ditoy ti makisalip iti National Milo Olympics a maangay iti Cagayan de Oro inton Oktubre, segun iti Sports coordinator ti Candon City Division.

Kinuna ni Alex Razo, sports coordinator, a makisalip iti National Milo Olympics dagiti tallo nga agbasbasa iti Tamurong Elementary School, maysa iti Darapidap Elementary School ken 2 iti Candon National High School. Isuda dagiti nangabak iti athletics ken chess iti Regional Milo Olympics a naangay iti Lingayen, Pangasinan.

Iti athletics, makisalip dagiti ubbing iti triple jump, 200 meter dash, 100 meter dash, javelin throw ken long jump.

Kinuna ni Razo dakkel ti namnamada a makaiyawidda manen iti medalia iti daytoy a panakisalipda.#