10 barangay ti Cabugao, nairaman iti Ilocos Sur Ecozone

CABUGAO, Ilocos Sur – Inaprobaran ti sangguniang bayan ditoy itay nabiit ti resolusion a pannakairaman ti sangapulo a barangay ditoy nga ili a paset ti Ilocos Sur Special Economic Zone and Freeport Authority (ISSEZFA).

Nairaman a paset ti ISSEZFA dagiti 10 a barangay ditoy nga ili a pakaibilangan ti Dardarat, Sagadayen, Salomague, Sabang, Namruangan, Salapasap, Daclapan, Pug-os, Turod ken Baclig ken dagiti 4 a barangay ti San Juan, Ilocos Sur a pakaibilangan ti barangay Dardarat, Solotsolot, Surngit ken Refaro.

Maipalagip nga inaprobaran ti House Committees on Economic Affairs ken Trade and Industry idi apagtapog daytoy a tawen ti pannakaipasdek ti ISSEZFA iti munisipalidad ti Cabugao ken San Juan.

Kinuna ni Cong. Ronald Singson a no agbalin a linteg ti ISSEZFA, umadu dagiti panggedan ken dumakkel ti pamastrekan ti probinsia manipud kadagiti maipasdek a negosio, komersio ken industria iti Freeport Area.

Kinuna pay ni Singson a napaspas ti panaggaraw ti competitive markets ket napanawanen ti pagilian.#.