10-k fun run naangay kas paset ti “Walkah-Walkah”

VIGAN CITY – Naangay ti 10-kilometer fun run itay Mayo 10 kas paset ti panangguyugoy ti Commission of Elections kadagiti botante nga agparehistro para iti eleksion inton 2016.

Nangrugi ti nasao a fun run iti sango ti provincial capitol ket nakipartisipar ditoy dagiti Comelec officers ken dagiti tumataray iti intero a probinsia.

Inesponsoran ti gobierno probinsial, lokal a gobierno, ken nadumaduma nga ahensia daytoy a fun run kas paset ti “Walkah-Walkah: “Step Juan Tungo sa Mulat na Botante” nga inggannuat ti Comelec.

Nangrugi ti pannagna dagiti Comelec officials nga indauluan ni Comelec Chairman Sixto L. Brillantes, Jr. ken ni Spokesperson James AB. Jimenez iti Laoag City idi Mayo 6, ket manamnama nga aggibus sadiay Matnog, Sorsogon inton 2015.

Guyguyogen ti Comelec dagiti amin a kualipikad a botante nga agparehistroda babaen iti biometric registration para iti nasional ken lokal nga eleksion inton 2016.#