102 bisikleta, naiwaras kadagiti tanod

CANDON CITY – Agdagup iti 102 a mountain bike ti naiwaras kadagiti barangay tanod ditoy siudad nga aramatenda nga agpatrolia iti masakupanda a barangay idi Mayo 24.

Karaman kadagiti naikkan dagiti tanod ti Barangay Allangigan 2nd, Amguid, Bagani Gabor, Bagani Ubbog, Balingaoan, Bugnay, Calongbuyan, Cubcubbuot, Darapidap, Langlangca 2nd, Palacapac, Paras, Parioc 2nd, Patpatta 1st, Paypayad, Salvador 1st, Salvador 2nd, San Agustin, San Andres, Tablac ken Tamurong 1st.

Kinuna ni Mayor Allen Singson a kanayonan daytoy dagiti immun-unan nga inwaras ti gobierno ti siudad kadagiti barbarangay idi Pebrero.

“Aramaten daytoy dagiti tanod iti panagrondada iti barangayda,” kinuna ni Singson.#