103 babbai, nagturpos iti short term courses

VIGAN CITY – Sangagasut ket tallo a babbai a residente ditoy siudad ti naggraduar iti skills training sessions nga insayangkat ti Vigan Skills Training Institute kas paset ti selebrasion ti National Women’s Month iti bulan ti Marso.

Segun ken ni Ronilda Aninag, chief manpower development officer, nagadal dagiti babbai iti baking and cake decoration, Chinese cuisine, manicure, pedicure, foot spa, hair cutting and styling, panagaramid kadagiti novelty give-aways ken gift items manipud iti beads tapno adda mainayon a ganarenda ken maipromot ti panagtitimpuyog dagiti babbai.

Libre ti panagsursuro dagiti babbai a residente ditoy idinto nga agdagup iti P3,000 tunggal maysa kadagiti saan a residente. (Manipud iti report ni Nila O. Argel, PIA 1, Ilocos Sur)