Footer

1,097 nga ubbing, naipaayan supplementary feeding

VIGAN CITY – Impakaammo  ni Konsehal Janina S. Medina-Fariñas bayat ti session ti sangguniang panlungsod ditoy idi Septiembre 3 a nangrugin ti supplementary feeding program  ti Vigan City Social Welfare and Development Office babaen ti Poverty Alleviation Program ti gobierno nasional.

Kinuna ni Fariñas nga addaan ti PAP iti P1.6 milion nga alokasion para iti pannakapakan ti 1,097 nga ubbing ditoy siudad para iti school year 2012-2013.

Innayon pay ni Fariñas nga iti ibibisita itay nabiit ni dati a Congresswoman Cynthia Villar, nangidonar iti decorticating and loom weaving machine babaen ti Villar Foundation para iti Gabriela, maysa a non-government organization.

Maaramat dagitoy a makina para iti pannakaproseso dagiti naibasura a coconut shells, segun ken ni Fariñas.#