11 Bigueno, naikkan pagpuonan

VIGAN CITY – Sangapulo ket maysa a residente ditoy siudad ti naikkan iti pagpuonan itay nabiit babaen ti panagkinnamayyet ti gobierno ti siudad ti Vigan ken ti Nueva Segovia Consortium of Cooperatives.

Sangapulo kadagitoy resipiente ti naikkan iti reloan idinto a damo nga umutang ti maysa.

Agdagup amin a naited kadagiti nadakamat a resipiente ti nasurok P302,000.00 nga aramatenda a pagpuonan para iti panagtalonda ken  bassit a negosioda.

Kanaig daytoy, inggunamgunam ni Konsehal George Villanueva kadagiti naikkan iti pagpuonan ti panangtaginayonda iti talek ti city government ken ti NSCC a mangpabulod latta kadakuada iti pagpuonanda.#