11 pagablan, naited kadagiti loom weavers asssociations

VIGAN CITY – Sangapulo ket maysa a pagablan ti naiwaras itay nabiit kadagiti nadumaduma a gunglo dagiti agab-abel iti probinsia.

Mismo a ni Gov. Ryan Singson ti nagiwaras kadagiti nasao a pagablan kadagiti sumagmamano a loom weavers association iti probinsia.

Naammuan ti Tawid News Magasin a tallo a pagablan ti naited iti Caoayan Loom Weavers Association, 2 iti Vigan City, 2 iti Santa, 2 iti Santiago, maysa iti Bantay, ken maysa iti Bantay, ken maysa iti Saint Paul College.

Segun ken ni DTI Provincial Officer Grace Lapastura,  agbalor ti pagablan iti P50,000.00, upgraded ken kabaelanna ti agabel iti double nga ules, malaksid laeng a mabalin ti dua a tao ti agabay nga agabel.

Kinuna ni Singson a planona nga ikkan pay dagiti nadumaduma a pagadalan tapno adda pagsursuruan dagiti estudiante nga agabel.#