VIGAN CITY – Sangagasut duapulo ket maysa a mangngalap-estudiante ti naipaayan iti sertipiko manipud iti Bureau of Fisheries and Aquatic Resources (BFAR) iti panagleppas ti School on the Air a programa ti ahensia idi Oktubre 23.
Maysa daytoy a programa iti radio a tartarawidwidan ti BFAR ken maiyer-ere iti DWRS Commando Radio ket ditoy a maiyadal dagiti baro a wagas ken teknolohia iti panagtaraken iti lames babaen ti panagdengngeg iti radio.
Lima kadagiti nagraduar ti naikkan iti sag-1,000 a fingerlings ti malaga ken saggapat a sako ti feed a pagpakan a pangrugianda kasta metten a pangipakatanda kadagiti nasursuroda iti School on the Air. (Mancielito S. Tacadena)
