Footer

15 estudiante, naiyatiddog panagtrabahoda

SAN ESTEBAN, Ilocos Sur – Naiyatiddog ti panagtrabaho iti munisipio ditoy nga ili ti sangapulo ket lima nga estudiante, daytoy ti naammuan iti mayor’s office ditoy.

Segun ken ni Nepo Benitez iti nasao nga opisina, agdagup iti 40 dagiti estudiante nga agtrabtrabaho iti munisipio ditoy iti babaen ti Special Program for the Employment of Students, ngem 15 laeng ti  naiyatiddog ti panagtrabahoda agingga iti Mayo 18.

Nagbalin a dua a batch dagiti estudiante nga agtrabaho iti babaen ti SPES iti daytoy a bakasion.

Nagbinnadangan ti local government unit ditoy ken ti Department of Labor and Employment daytoy a programa a mangted iti pagtrabahuan dagiti estudiante iti daytoy a bakasion.#