Footer

15 GRO, natiliwan nga awanan health permit

STA. LUCIA, Ilocos Sur – Imbilin ti mayor ditoy nga ili ti pannakaserra dagiti videoke bars ken pannakakansela ti permitda kalpasan a naduktalan ti inspection team nga adda Guest Relations Officers (GROs) nga agtrabtrabaho kadagitoy a paginuman.

Kaadduanna kadagiti videoke bars ti masarakan iti Barangay Sabuanan ditoy nga ili.

Sangapulo ket lima a babbai nga agpapaay a guest relation officers (GRO) ti tiniliw dagiti polis bayat ti insayangkatda nga inspeksion kadagiti nagduduma a videoke bars iti nadakamat idi Septiembre 29.

Kadua dagiti polis dagiti opisial ti DSWD, municipal health office ken ti gobierno ditoy nga ili a nangisayangkat iti inspeksion kadagitoy a pagiinuman kalpasan a nakaawatda kadagiti report nga adda dagiti GRO a makitebtebol kadagiti kustomer.

Nainaganan dagiti natiliw a da Annabelle Borja y Magsanghay, 20, agnaed iti Macabebe town; Kimberly Albano y Wico, 20; Yolanda Torres y Batac, 28, agpada a taga-Apalit; Sonia Dizon y Salvador, 45; Jennifer Tungon y Santos, 29; Andrea Tangan y dela Paz, agpapada nga agnaed iti Arayat, Pampanga;  Cherry Mae Lawagen y Baddao, 19; Benjimar Bona y Andres, agpada a residente iti  Brgy. Borobor, Galimuyod; Lanie Polides y Obuan, 21, taga-Gregorio Del Pilar; Marie Cepeda y Obias, 38, taga-Brgy. San Antonio, Candon City; Michelle Tawagen y Baddao, 19, taga-San Emilio; Sharmaine Baingan y Bang-a, 18, taga-Brgy. San Pedro, Sta Lucia; Mae Andaya y Arobel, 21, taga-Brgy. Becques, Tagudin; Emily Balingit y Monhi, 30, taga-Sta. Lucia, Calumpit, Bulacan ken Angela Bangcuyo y Mahait, 30, taga-Leyte province.

Segun ken ni PSI Bernardo Inacay Cerezo, awan ti lisensia ken medical certificate/personal hygiene a naipakita dagiti GRO a natiliwda nga agtrabtrabaho kadagiti videoke bars.

Naipan dagiti babbai iti municipal police station ditoy sada napagmultada.#