15 job fairs, isayangkat ti DOLE iti 2014

VIGAN CITY – Impakaammo ti dadaulo ti Department of Labor and Employments a nangangayda iti ad-adu a job fairs ngem iti puntiria ti opisinada idi napan a tawen.

Segun ken ni Manuel Hagad, provincial officer ti DOLE ditoy, nakaangayda iti 17 a jobs, ad-adu ngem ti puntiria laeng ti opisinada a 16 a job fairs.

Iti daytoy a tawen, adda quota ti DOLE a 15 nga angayen a job fair iti nadumaduma nga ili iti probinsia.

Maysa a job fair ti angayen daytoy nga opisina inton Pebrero  26 a nakaawisan dagiti employers manipud nadumaduma a kompania a makasapul kadagiti trabahadorda .

Segun ken ni Hagad, adu dagiti agbirbirok iti trabaho a nakastrek iti panggedanda gapu kadagiti insayangkatda a job fairs.#