15 makisalip iti Binatbatan streetdancing competition

VIGAN CITY – Sangapulo ket lima ti makisalip iti streetdancing iti masungad a panagpiesta daytoy a siudad iti daytoy a Mayo, segun iti mayora ditoy.

Malaksid ti Longganisa Festival a maang-angay iti Enero, dakkel nga atraksion kadagiti sangaili ken turista ti panangrambak daytoy a siudad iti May Festival a pakaitampokan ti Binatbatan streetdancing competition.

Segun ken ni Mayor Eva Marie S. Medina, addanto pay dagiti sabsabali nga aktibidad a kas iti food and trade fair, bancathon, beach volley competion, cross country bike race, Amazing Heritage Race ken dadduma pay.#