150 agtartaraken iti malaga, tilapia, nagpukaw gapu iti Bagyo Pepeng

CANDON CITY – Agdagup iti 150 nga agtartaraken iti malaga ken tilapia iti Barangay Darapidap ditoy siudad ti nagpukaw gapu iti iduduprak ni Bagyo Pepeng itay nabiit.

Mapattapatta nga agdagup iti P500,000 ti pukaw dagiti mangngalap gapu iti pannakatay ken pannakaibulos dagiti malaga ken tilapia a tarakenda iti Barangay Darapidap ditoy siudad idi kangitingit ti bagyo.

Kinuna niKapitan Eduardo Villanueva ti Darapidap nga adu a tarakenda a malaga a tallo a ramayen ti kadakkel ti bagida ti natay gapu iti panaglibeg iti nakaipupokanda idinto a nakabulos dagiti tilapiada idi nagdinakkel ti danum.#