150,000 pinia, naimula iti watershed ti Candon City

CANDON CITY – Aganay 15,000 a hybrid a pinia ti naimula itay nabiit iti reforestation and watershed areas kas paset ti agtultuloy a panangparangen iti  kabanbantayan a paset daytoy siudad.

Kinuna ni Eric Gacutan, agricultural technologist iti City Agriculture Office, nga insayangkatda daytoy a gannuat tapno mapagbalin a produktibo ti  reforestation ken watershed development project ti gobierno ti siudad iti Barangay Palacapac ken San Andres.

Kanayon dagiti pinia kadagiti dadduma pay a naimulan ditoy kas iti lansones, mangga, rambutan, saba ken daduma pay a naibabaet kadagiti naimula a mahogany, gmelina, ken dadduma pay a kaykayo.

Nagatang ti pinia manipud iti Nueva Vizcaya babaen da City councilor Osias Diasen, chairman ti committee on environmental and natural resources ken ni City Agriculturist Elmor.#