1,600 Sasso chicken, naiwaras farmers’ associations

SAN JUAN, Ilocos Sur – Aganay 2,500 a sasso a manok ti naiwaras kadagiti nadumaduma a farmers’ associations iti probinsia itay nabiit.

Mismo a ni Vice Gov. Deogracias Victor Savellano ken ni BaRangay Demo Farm coordinator Dr. Cesar Soller ti nagiwaras kadagiti aganay 1,600 a sasso chicken kadagiti 17 a nadumaduma a gunglo dagiti mangngalap iti probinsia kas paset programa ti livelihood ti gobierno ti probinsial..

Kinuna ni Savellano nga agdagsenen iti maysa a kilo dagiti sasso chicken isu nga imbes a 100 dagiti naiwaras, agdagup laengen iti 80 tapno ad-adu ti bilang dagiti asosasion a mabenepisiaran.

No malakon dagiti taraknenda a sasso, isubli ti asosasion ti 10 idinto a bagidan ti 70.

Nangrugi ti programa idi 2008 ket napili daytoy a klase ti manok nga aw-awaganda pay iti super chicken agsipud ta mabalinda ti agbiag babaen laeng iti ruot, murkat ken nadarasda a dumakkel.#