16th National Press Congress naangay iti Boracay Island

MALAY, Aklan – Aganay 300 a journalists ken dadduma pay a media-related a personalidad manipud iti nadumaduma a paset ti lubong ti nagtataripnong iti Boracay Island, ditoy idi Disiembre 8-10.

Naawagan kas Global Media Island Convention, nagtipon ti Publishers Association of the Philippines, Inc. (PAPI) nga indauluan ni Juan P. Dayang ken ti Boracay Global Press Corps (BGPC) a nangimaton iti nasao a media event kas maiyalubog iti Presidential Proclamation No. 1187 a nangideklara iti Disiembre a kas “National Press Congress Month” ken “Month of the Community Press”.

Nagsentro iti tema a “The Changing Face of Asian Media”, naangay iti konbension dagiti diskusion, group sessions ken plenary session mainaig kadagiti napapateg nga isyo a pakaseknan ti media development, viability ken sustainability.#