172 barangay tanod, nagseminar

CAOAYAN, Ilocos Sur – Agdagup iti 172 a barangay tanod manipud iti pito nga ili ti probinsia ti nagatendar iti maysa a seminar a naangay iti Isidro P. Querubin Multi-Purpose Sports Complex ditoy itay nabiit.

Inangay ti Ilocos Sur Police Community Relations Personnel (PCR) nga idauluan ni Police Senior Supt. Alejandro Zapatero Cabebe ti nasao a seminar nga inatenderan pay dagiti barangay captains.

Naipaganetget iti seminar ti moral values ken disiplina, ken naiyadal kadagiti tanod ti barangay governance, ken dagiti basic skills kas iti handcuffing, panagdis-arma, first aid, ken rescue operations.#