Footer

2 agtutubo, nakursonaanda a dinungpar

NARVACAN, Ilocos Sur – Nagsagrap iti sugat iti nadumaduma a paset ti bagida ti dua nga agtutubo kalpasan a dinungpar ida ti maysa a kotse idiay Barangay Rivadavia iti daytoy nga ili.

Naikras da Romar Cabral ken John-John Cabalbag, agpada nga estudiante ken residente iti Barangay Orence, Narvacan, Ilocos Sur idi mapapati nga inggagara a dinungpar ida ti maysa a kotse a nangsursurot kadakuada.

Iti pulong dagiti biktima iti polis ditoy, agpadaya ti XRM a motorsikloda idi nadlawda ti maysa a puraw a kotse a mangip-ipus kadakuada.

Pinataray dagiti biktima ti luganda ket idi makadanonda iti Barangay Orence, nagsikkoda a bigla ngem kaskasdi a simmurot kadakuada ti kotse.

Segun iti dua, idi makadanonda iti Barangay Rivadavia, dinungpar ti kotse ti luganda a nakaigapuan ti panakaikras ken nakadundunoranda.

Di pay nabigbig dagiti naglugan iti kotse a nangdungpar kadakuada.#