2 ambulant vendors, naaresto, napagmulta

CANDON CITY – Dua nga ambulant vendors ti inaresto dagiti polis idi Septiembre 25 ken 26 gapu iti panaglakoda itiĀ  maiparit a lugar ditoy siudad.

Napagmulta iti sag-P500 da Marilyn Serrano, residente iti Barangay Bao-as, Sta. Lucia, Ilocos Sur, ken ni Adella Torcita y Lalchica, 61, naasawaan ken residente iti Barangay Bagani Campo, Candon City gapu iti panaglabsingda iti City Ordinance No. 408.

Natiliw ni Serrano bayat ti panaglakona iti 20 nga smoked fish iti City Plaza ti Barangay San Juan idinto a natiliw met ni Torcita a naglako iti natnateng ken prutas iti intersection ti Madarang Stl., ken Foronda St., ti Barangay San Jose ditoy met laeng siudad.

Iparit ti Ordinance No. 408 ti panaglako iti karne, ikan, prutas ken nateng iti aniaman a kalsada iti siudad ti Candon.#