Footer

2 babbai, natiliwan iti shabu

VIGAN CITY – Dua a babbai ti inaresto dagiti polis iti nagsaruno nga operasionda maikontra iti maiparparit nga agas ditoy siudad.

Tiniliw ti alert team ti polis ditoy da Lydia Alipa, 41, naasawaan, residente iti Zone 6, Bantay, Ilocos Sur ken ni Joy de Guzman, 38, balasang, taga-San Jose, Candon City ngem temporario nga agnaed iti Barangay 8 ditoy.

Iti immuna nga operasion, agpatpatrulia ti alert team nga indauluan ni SPO1 Avelino Ramos iti Rizal Street idi masalawda ti suspetsa a suspetsosa ti tignayna.

Nasiputan dagiti polis nga adda intinnag ti suspetsa iti kalsada ket nasukalanda a maysa a plastic sachet a a naglaon iti agdagsen iti .1 gramo a mapapati a shabu.

Natiliw met ni Guzman iti Escribano Street, Barangay 8 ditoy iti buy-bust operation nga inwayat ti polis ti siudad a nagpammarangan ni PO1 Martin Somera a kas buyer.

Nakumpiska iti suspetsa ti plastic sachet nga agdagsen iti .1 gramo ken P300 marked money.#