2 baro, aksidente a napaltogan

VIGAN CITY – Dimo kalbiten ti paltog nga adda kargana a bala, leksion daytoy ti maysa a baro kalpasan nga aksidente a napaltoganna dagiti kalugaranna idi rabii ti Disiembre 21.

Aksidente a napaltogan ni Mark Anthony Patubo y Remolacio, 22, baro, residente iti Shelterville Village, Barangay San Julian Norte, dagiti gagayyemna a Carlo Pagay y Delfin, 19, natibo ti Barangay Leron, Buguey, Cagayan ngem agdama nga agnaed iti nadakamat a barangay; ken ni Armando Vito y Castro, 19, baro, residente met laeng iti nasao a barangay.

Naammuan iti inisial nga inbestigasionĀ  dagiti polis a bayat ti kaadda dagiti agkakadua iti rangtay iti dayaen a paset ti Shelterville, inruar ti suspek ti paltogna a maysa a pistol type shotgun wenno buckshot ngem aksidente a nakalbitna.

Napuntaan ti sementado a suelo ti rangtay ket nagbalandra dagiti shrapnel a nakatamaan dagiti biktima.

Naitaray da Pagay ken Vito iti Gabriela Silang General Hospital para iti pannakaagasda.

Naikustodia ti biktima iti police station para iti pannakapalutpotna.#