2 baro, naidarum gapu panaguborda iti bus

STA. CRUZ, Ilocos Sur – Dua a baro ti naisaklangan iti darum maigapu iti panangbatoda iti maysa a bus iti Barangay Saoat ditoy nga ili idi agarup alas 10:00 ti rabii ti Marso 10.

Nasaklangan iti malicious mischief iti Office of the Provincial Prosecutor iti Candon City da Eugene Agader y Lamarca, 23, baro, mannalon ken residente iti Barangay San Pedro, ken ni Rommel Jaramilla y Coloma, 17, baro, ken residente iti Bacsayan, Sta. Cruz met laeng.

Kas naireport iti polis, binato ni Jaramilla, nagsakay iti likud ni Agader a nagmaneho iti TMX 155, ti Viron Transit a minaneho ni Joey Opena y Casuga, 45, naasawaan, ken residente iti Asuena St., Tayug, Pangasinan a nakabuongan ti makannigid a windshield ti bus.

Inreport ti drayber ti napasamak iti inspektorna ket impulong met daytoy iti maysa nga off-duty a polis ket daytoy ti immawag iti police station sada kinamat dagiti suspek a nagtungpal iti pannakatiliwda.#