CANDON CITY – Dua manen a bus ti nabato iti Sta. Lucia ken ditoy siudad itay nabiit.
Binato dagiti di pay nabigbig a tattao ti Farinas Bus a minaneho ni Jenrey Martinez, 35, residente iti Montalban, Rizal bayat ti panagdaliasatna iti national highway a sakup ti Barangay Sabuanan, Sta. Lucia, Ilocos Sur.
Nabuong ti windshield ti bus.
Nabato met ti Aniceto Bus a minaneho ni Randy Paino, 28, residente iti Nagbettedan, Sto. Domingo, Ilocos Sur bayat ti panagdaliasatna iti kalsada nasional iti Barangay Paras ditoy siudad.
Mapapati nga innem a lallaki ti nangbansag iti bus.
Nagsawar dagiti polis ngem dida nasapulan dagiti suspek.#