2 carwash boys, nasukalan a nagsikuat iti selpon

SINAIT, Ilocos Sur – Dua a carwash boys ti inaresto dagiti polis kalpasan a nasukalanda a nangsikuat iti selpon ti maysa a balikbayan bayat ti panangpadalusna iti kotsena idi malem ti Disiembre 8.

Pagyamanan ta idi aggawiden ni Rey Dante Tangonan y Arrocena, 47, naasawaan, bakasionista manipud iti Las Vegas ken agnanaed iti Barangay Cabangtalan, Sinait, nakitana nga awanen ti Iphone 6 Plus a selponna nga agbalor iti $699.00 iti side pocket ti kotsena.

Dinagdagus ni Tangonan ti nagpatulong ken ni Barangay Captain Melchor Yadao a nairana nga adda iti asideg ket narekobreda ti selpon iti shoulder bag ti maysa kadagiti suspek.

Tinengngel ni Yadao dagiti suspek sana impaima ida kadagiti nagresponde a polis.#