Footer

2 comfort rooms, maipatakder

SANTIAGO, Ilocos Sur – Tapno ad-adu pay dagiti maawis nga agpallailang a turista, dua a first class a comfort room ti maipatakder iti Santiago Cove ditoy.

Nailatang ti P2.75 milion manipud iti congressional share ni Dip. Eric Singson para iti pannakaipasdek dagiti dua a comfort room a para iti babai ken lalaki ken addaanda iti kabukbukodan a pagdigosan.

Nairaman ditoy ti mabusbos para iti pannakaiyalis ti tallo a balay a masalapon iti maipatakder a CR.

Dagiti opisial ti barangay ti mangimaton iti nasao a CR.#