2 drug pushers, tiniliw dagiti polis

CANDON CITY – Dua a lalaki a masuspetsa nga aglaklako iti maiparparit a droga ti natnag iti ima dagiti polis babaen iti insayangkatda nga operasion sadiay Barangay San Isidro ditoy siudad itay lawasna.

Natiliw da Komiya Madarang, 35, ken ni Domingo Garnachea, agpada a residente iti Barangay Patac, Galimuyod, Ilocos Sur, babaen ti buy bust operation nga insayangkat ti nagtipon a bunggoy ti PAIDSTOTG-Ilocos Sur ken ti Candon City police.

Nakumpiska iti ikut dagiti dua ti 17 a plastic sachet a mapapati a naglaon iti shabu.

Iti pannakaisurat daytoy, nakabalud dagiti dua bayat a maisagsagana ti kaso maikontra kadakuada.

Segun iti polis, nabayagen a sipsiputanda dagiti suspek.#