2 eksplosibo, naisuko

CANDON CITY – Dua nga eksplosibo ti insuko ti dati a barangay captain ken kalugaranna iti kapolisan idi Mayo 11.

Indatag da dati a Barangay Captain Ruz Valdez ken Segundino Soliven, agpada a residente iti Barangay Paypayad, ditoy siudad ti dua a rifle grenade iti Candon police station idi agarup 5:56 ti malem ti nadakamat a petsa.

Naikustodia dagiti eksplosibo iti police station ditoy para iti umisu a disposision.

Segun iti polis, ti pannakaisuko dagiti nasao nga eksplosibo ti resulta ti agtultuloy a kampania ti kapolisan kontra iti loose firearms ken iti napintas a langenlangenda iti komunidad.#