Footer

2 grupo, nagrambol iti videoke bar

SANTA MARIA, Ilocos Sur.  Dua a grupo ti nagrambol iti uneg iti maysa a videoke bar idiay barangay Baliw Daya iti daytoy nga ili a nakasugatan ti maysa.

Nasugatan iti insidente ni Michael Baldos gapu iti pannakasagidna iti buong a bote.

Iti inbestigasion ti polis, nagiinom ti grupo da Franklin Delizo, 35, ken residente iti Lubong, ken ti grupo ni Jeff Tagela, 21, ken residente iti Baliw Daya, iti daytoy met laeng nga ili iti J & J Videoke Bar idi mapapati a nagturong ni Jeff iti lamisaan ti sabali a grupo a nagtungpal iti gulo.

Nasugatan ti ulo ni Michael idi nasagid ti buong a botelia ket naitaray iti Central Ilocos Sur District Hospital para iti panakaagasna.