2 K9 dogs, 2 polis, agsanay para search and rescue operations

BANTAY, Ilocos Sur – Aggiddan a masanay ti dua a polis ken dua a K9 dogs para iti search and rescue operation, daytoy ti naammuan manipud iti Police Provincial Office ditoy nga ili itay nabiit.

Naibaon da SPO1 Jess Ramos ken ni PO2 Sofronio Dacquel, Jr. nga agsanay para iti search and rescue operation nga adda K9 dogs a kaduada iti operasion.

Agpaut iti innem a bulan ti panagsanay dagiti nadakamat a polis iti Fort Magsaysay a maigiddan metten iti pannaka-train dagiti K9 dogs a gatangen ti gobierno probinsial.

Agbalor ti P18,000.00 ti K9 dog nga agsaep iti bomba idinto a P20,000.00 ti balor ti aso a masanay iti search and rescue operation.

Panggep pay ti gobierno probinsial ken ti PPO ti mangala iti sabali pay a K9 dog a masanay nga agsaep iti illegal a droga.

Segun iti maysa nga opisial, maiyawat a dagus dagiti K9 dogs iti PPO apaman a maturpos ti panagsanayda.#