2 kapitan, nakidinnungpar ti motorsikloda iti traysikel

CANDON CITY –  Nadisgrasia ti dua a kapitan ti barangay  a nakayospitalan ti maysa kadakuada idi nakidinnungpar ti motorsikloda iti maysa a traysikel iti Barangay Oaig Daya, ditoy siudad.

Nasugatan ni Barangay Captain ti San Andres Alfredo Bucalen ket naitaray iti Lorma Hospital idiay San Fernando City, La Union ngem saan a naan-ano ni Barangay Captain ti Salvador Primero Warlito Batin ken ni Jove Valdez, residente iti Barangay Calaoan ken drayber ti traysikel,  ken ti uppat a pasaherona. 

Segun iti report, agpakannigid ti motorsiklo Sinski, addaan plaka AI-7251  a naglugan da Bucalen ken Batin ngem simmungad nga agpaamianan ti  Honda TMX 155, addaan plaka QC-7272 a minaneho ni Jove Valdez ket nagdinnungparda. (Danny Antalan)