2 kapuon ti marihuana, nasukalan

QUIRINO, Ilocos Sur – Dua kapuon ti mula a marihuana ti nasukalan iti naabandonar a kalapaw sadiay Barangay Namitpit, ditoy nga ili idi Septiembre 28.

Nagturong dagiti polis, kaduada ti chief tanod, iti nadakamat a barangay kalpasan a nakaawatda iti tawag manipud iti selpon nga adda nasukalan a dua a kapuon a mula ti marihuana iti sanguanan ti maysa a naabandonar a kalapaw iti kabakiran a paset ti nadakamat a barangay  nga asideg iti pagbeddengan ti Cervantes ken daytoy nga ili.

Agtayag dagiti dua kapuon a mula a marihuana iti lima a kadapan a nasukalan ti maysa a residente ti  barangay idi agarup 1:00 ti malem ti nadakamat a petsa.

Pinarut dagiti polis ti mula sada impan iti police station para iti umisu a disposision.#