2 karpintero, nakoriente

CANDON CITY. –  Dua a karpintero ti nakoriente bayat ti panagtrabahoda iti maysa a balay iti Barangay Allangigan 2nd idi alas otso ti bigat ti Agosto 24.

Naitaray iti St. Martin de Porres Hospital da Philip Batin, 31, naasawaan, ken ni Arnold Pitong, 26, agpada nga agnaed iti Barangay Patac, Galimuyod, Ilocos Sur.

Segun iti report, madama ti panagikabil dagiti dua iti yero iti maikadua a kadsaaran ti balay a bangbangonenda idi aksidente a naidekket daytoy iti barut ti koriente a puon ti nakakorienteanda. Iti pannakaisurat daytoy, adda pay dagiti dua iti ospital.#