2 kolorum a paltog, naisuko

BURGOS, Ilocos Sur – Saggaysa a paltog ti insuko dagiti barangay officials ti Bagani Campo, Candon City ken Barangay Dayanki, ditoy nga ili idi Disiembre 10 ken 11.

Maysa a cal. 38 revolver, awanan serial number,  ti insuko da Bagani Campo Barangay Captain Romeo G. Ramos iti Candon Police Station idi agarup 5:00 ti malem ti Disiembre 9.

Saan a nainaganan iti report ti kinasiasino ti kalugaranda a nangisuko iti nasao a paltog.

Maysa met a homemade GA12 shotgun (buck short), awanan iti serial number, ti insuko da Dayanki Barangay Captain Crispin Directo ken Barangay Kagawad Pablito Daproza iti police station ditoy idi 8:00 ti agsapa ti Disiembre 11.

Insuko met ti maysa a di nainaganan a kalugaranda ti nasao a paltog idi Disiembre 10.#