2 kurso narugian a maiyadal

CANDON CITY – Dua a kurso ti nairugi a naiyadal kadagiti agtutubo ken nataengan babaen ti Livelihood and Skills Training a programa ti Technological Education Skills Development Authority (TESDA) ken ti opisina ni Ilocos Sur 2nd District Congressman Eric Singson.

Narugian itay Hulio 6 ti panagbasa iti kurso a Motorcycle/Small Engine Servicing ken Electrical Installation and Maintainance ken itay Hulio 13 ti kurso a Bread and Pastry Production Food Processing babaen ti panagkinnamayyet ti TESDA ken ti opisina ni Singson.

Sagduapulo dagiti agadal nga estudiante kadagitoy a kurso malaksid iti Food Processing a 24. Sangapulo agingga iti 17 nga aldaw ti kapaut dagiti estudiante nga agbasa kadagitoy a kurso ket libro ti maited a rimienta, accreditation fee ken pleteda bayat ti panagbasada.#