2 kustomer iti bar, pinaltogan sabali a kustomer

VIGAN CITY – Napaltogan ti maysa a lalaki bayat ti panaginumda iti kaduana iti pumarbangon iti maysa a videoke bar ditoy.

Nagasat ta nakumdiasan laeng ti ulo ni Arnold Arellano, 24, naasawaan, residente iti Barangay 8 ditoy ngem naitaray latta iti Gabriela Silang Hospital tapno maagasan ti sugatna.

Naglibas ti suspetsa, maysa nga Allan Antiporda, 18, baro, residente met laeng iti Barangay 8, kalpasan ti pammaltog.

Segun iti report, nagkuyog da Arellano ken ni Henry Tamporong a napan naginom iti Laguna Lass Videoke Bar ket nadanonda iti uneg ti suspetsa.

Pimmanaw ti suspetsa ngem idi nagsubli, adda awitna a paltog ket pinaltoganna ni Tamporong ngem naiwalin daytoy ti imana. Ni Arellano ti insarunona a pinaltogan a nakadumgiasan ti ulo ti biktima.

Di pay ammo ti motibo ti pammaltog.#