Footer

2 lalaki a sumangsango iti panagtakaw, naaresto

STA. MARIA, Ilocos Sur – Dua a lalaki ti inaresto dagiti polis idi Mayo 13 babaen ti nagsina a warrant of arrest nga inyisio ti hues ti Vigan City ken ti Narvacan.

Inaresto dagiti polis ni Leonida Barcellano Alibin, 35, naasawaan, ken residente iti Brgy. San Julian Norte, babaen ti warrant of arrest nga inyisio ni Judge Nida B. Alejandro ti RTC Branch 20, Vigan City.

Sumangsango ni Barcellano iti qualified theft ket nairekomenda nga agpiansa iti P40,000.

Inaresto met dagiti polis ti Sta. Maria ni Jolette Tamayo y Advincula, 54, naasawaan, housekeeper, ken residente iti Brgy. Poblacion Sur, Sta. Maria babaen ti warrant of arrest nga inyisio ni Judge Policarpio P. Martinez ti RTC Branch 22, Narvacan, Ilocos Sur.

Qualified theft met ti sangsanguen ni Tamayo ket naituding ti P40,000 a piansana.#