2 lalaki, naaksidente gapu iti aso

CANDON CITY – Dua a lalaki ti nayospital gapu iti pannakaaksidenteda maigapu iti bimmallasiw nga aso iti kalsada a sakup ti Barangay Ayudante ditoy siudad.

Naitaray iti Resonable Hospital ditoy da Joseph Valdez, baro, residente iti Barangay Calaoaan, Candon City ken ni Romeo Llaneta, kalugaranna.

Iti inisial nga inbestigasion dagiti polis, agdaldaliasat ti motorsiklo a minaneho ni Valdez, kalubbonna iti likud ni Llaneta idi kellaat a bimmallasiw ti aso. Saan a napakadaan daytoy ni Valdez a puon ti nakaatalanda iti aso a nakatuangan ti luganda ken nakadunoranda.#