Footer

2 lalaki, natiliw nga agsussusop iti marihuana

TAGUDIN, Ilocos Sur – Dua a lalaki ti tiniliw dagiti polis gapu iti mapapati a panagsusopda iti maiparparit a droga iti sango ti maysa a
bakery ditoy.

Tiniliw dagiti polis da  Caesar Lascota Fajardo, 44, residente iti Malacanang, Tagudin ken ni Michael Laranang Carlos, 30, residente iti Lacong, Tagudin, Ilocos Sur nga intawag ti maysa a di nainaganan a residente nga agsussusop dagiti dua iti marihuana iti sanguanan ti maysa a bakery.

Nakakumpiska dagiti polis iti maysa a kaha ti posporo a naglaon iti mapapati a napagango a marihuana iti ikut ni Fajardo nga agdagsen iti sumurok-kumurang dua a grapo.

Maisagsagana ti kaso maikontra kadagiti dua iti pannakaisurat daytoy a damag.#