Footer

2 lalaki, nayospital gapu iti bagsol, bugbog

NARVACAN, Ilocos Sur –  Dua a lalaki ti nayospital kalpasan a nagbinnagsolda gapu iti dida panagkinnaawatan iti Barangay Paratong ditoy.

Nabagsol ni Ronnie Barboza, 40, buko vendor, taga-Malasique, Pangasinan ngem temporario nga agnanaed iti nasao a barangay  idinto a nabugbog ni Lamberto dela Paz, 35, natibo iti Gapan, Nueva Ecija gapu iti panagsusikda bayat ti panaginumda iti pagtaengan ni Barboza.

Saan a nailanad iti blotter no ania ti nagsusikan dagiti dua. Ngem gapu iti ririda,  binagsol ni La Paz ni Barboza iti tian daytoy. 

Immarayat ti anak ni Barboza ket binugbogda ni La Paz.

Agpada a naitaray dagit dua iti Central Ilocos Sur District Hospital para iti pannakaagas ti sugatda.#