2 manen drug personality, inwalang suspects riding in tandem

BANTAY, Ilocos Sur РAgtultuloy latta ti pannakaipakni dagiti drug personality ditoy probinsia  babaen dagiti bihilante a grupo a mangar-aramat iti all-out war ni Presidente Rodrigo Duterte kontra illegal a droga tapno agiwalangda ken pumatay.

Iti report manipud iti kapolisan ti probinsia, iti umuna a lawas ti Agosto, tallo manen nga insidente ti pammaltog ti naiwayat iti tallo nga ili a nakagudasan ti dua  a drug personality.

Nainaganan dagiti drug personality a da Fernando Garringo y Tabuso, 44, naasawaan, ken residente iti Barangay Amguid, Candon City; ken ni Jennifer Parra y Paz, 39, naasawaan, aglaklako iti itlog, ken residente iti Procession Street, Zonde 4, Bantay ngem agdama nga agnaed iti Barangay Balaleng Laudenia, Bantay.

Napaltogan ni Garringo idi agarup 12:03 ti malem ti Agosto 3; ni Urubio idi agarup 11:20 ti bigat ti Agosto 4; ken ni Parray idi agarup 5:45 ti malem ti Agosto 4.

Naideklara da Garringo ken ni Parray a dead on arrival iti ospital a nakaitarayanda.

Kas maibatay iti police blotter, agdaldaliasat ni Garringo nga agpalaud a nakalugan iti nalabaga a Kawasaki Rouser 180 motorcycle idi pinaltogan ti dagiti suspek a riding in tandem.

Nagsagrap ni Garringo iti walo a sugat iti likud ti ulo, rupa, tengnged, sikigan ken likudanna, ken iti boksitna ket naideklara a dead on  the spot.

Saan a nabigbig ti nagmaneho iti di ammo ti klasena a motorsiklo ta nakaaruat iti crash helmet idinto a naka-ski-mask/bonnet ti tirador.

Nakarekobre dagiti inbestigador iti crime scene iti pito a kapsula manipud iti cal. 45.

Iti indepth examination ti KIMAT, addaan ti biktima iti 3 a criminal records a pakaibilangan ti grave coercion, less serious physical  injuries, ken panagsalungasing iti RA 9165 ngem nadismisda amin.

Idi agarup 5:45 ti malem ti Agosto 4, napaltogan ni Parra bayat ti panagdaliasatna iti Procession Street, Zone 4, Bantay a nakalugan iti Kawasaki Curve motorcycle.

Mapapati a sinurot dagiti suspek a naglugan iti nangisit a Kawasaki Rouser nga awanan iti plaka ni Parra ket pinaltogan ti backrider ti biktima a nagsagrapan daytoy kadagiti sugat iti nadumaduma a paset ti bagina.

Naideklara ni Parra a dead on arrival iti Metro Vigan Cooperative Hospital, Bantay a nakaitarayanna kalpasan ti pammaltog.

Naglibas dagiti suspek a nagturong iti amianan a direksion.

Nakasarak ti SOCO team iti uppat a kapsula ti cal. 45 ken maysa a deformed slug iti nakapasamakan ti krimen ken selpon, ken 4 nga assorted sim cards iti ikut ti biktima.

Segun iti polis, karaman ti biktima iti listaan dagiti drug personality iti Bantay ken simmuko idi Hulio 18.

Kabayatanna, napaltogan ni  Alexander Urubio y Urmatam, 55, naasawaan, court employee sadiay Barangay San Julian, Magsingal  idi agarup 11:25 ti bigat ti Agosto 4.

Iti report a dimmanon iti polis-Magsingal, nakatakder ni Urubio iti sango ti balayna idi kellaat a nagsardeng ti maysa a motorcycle iti abayna,  dimsaag ti back rider sana pinaltogan ti biktima iti naminsan ngem nagmintis.

Naglibas dagiti suspek a nagpaabagatan idinto a nagpaarayat ni Urubio.

Nangiwayat dagiti nagresponde a polis iti hot pursuit operation ngem negatibo ti resultana.

Di pay nabigbig dagiti suspek ngem kitkitaen dagiti inbestigador no kanaig daytoy iti droga agsipud ta nakalista ni Urubio a maysa a drug personality iti ili a Magsingal.

Kabayatanna, kangrunaan a suspetsa iti pannakapaltog ti dua a baro idi Hulio 31 dagiti armado a lalaki a nagkalubbon iti motorsiklo.

Napaltogan da¬† Nonito Pila y Galinato,¬† 28, baro; ken ni Frank Casta√Īeda y Quirino, 25, baro, agpada a¬† residente iti Barangay Naguilian, Caoayan, bayat ti panagdaliasat ti Honda Wave motorcycle a naglugananda iti Quirino Boulevard, Barangay IX, Vigan City .

Kangrunaan a suspek dagiti polis ti dua a suspek nga agpada a nakaaruat iti nangisit a tisirt a nagkasakay iti di ammo ti klasena a motorsiklo .

Mapapati a sinursurot dagiti suspek dagiti biktima ket iti nadakamat a lugar, inwayatda ti nangisit a gagemda kadagiti biktima.

Naitaray dagiti biktima iti Gabriela Silang General Hospital ngem pimmusay ni Pila sumagmamano nga oras bayat ti pannakataming dagiti sugatna iti nasao a balay-pagagasan.

Naglibas dagiti suspek iti abagatan a direksion.

Nakarekobre ti SOCO team manipud iti Crime Laboratory Office, Ilocos Sur, PPO iti maysa a deformed slug ti saan nga ammo a kalibre ti paltog.

Saan a nailanad iti police blotter no ania ti motibo ti pammaltog.#