CANDON CITY – Dua a mangngalap ti natiliw bayat ti panagkalapda iti fish sanctuary iti kabaybayan a sakup ti Barangay Caterman ditoy itay nabiit.
Nabigbig dagiti mangngalap a da Rizalino Molina, 45, ken ni Gerry Cortes, 33, agpada a residente iti Tamurong Primero ditoy siudad.
Segun iti report, nasiputan da SPO3 Reynaldo Galace ken Barangay Kagawad Peregrino Gratuito dagiti dua nga agkalkalap iti nasao a fish sanctuary ket tiniliwda dagitoy ken kinumpiskada ti kinalapda a 5 kilo nga ikan ken dua a fish nets.
Naipan dagiti dua iti kuerpo ti polisia tapno maimbestigada.#
Â