Footer

2 mapukpukaw a mangngalap, naisalakan

AGOO, La Union -Dua kadagiti lima a mangngalap a naireport a mapukpukaw gapu iti Bagyo Julian ti naisalakan ket nakasublidan iti balayda.

Nasalaw ken insalakan dagiti mangngalap ti Barangay Paringao, Bauang, La Union da Virgilio Abarra Angan ken Ana Soriano Gutierres, residente iti Barangay Baluarte, ditoy nga ili.

Mapukpukaw pay da Leody Macuroy, Ireneo Reyes ken Edmund Ricarte, agpapada a residente iti Barangay Paratong Norte, Bangar, La Union.

Naireport a timmapog iti taaw dagiti lima a mangngalap idi rabii ti Domingo nga isasangbay ti Bagyo Julian.#